PURUNSEN CHIN DAN

              Purunsen chin dan ka rawn sawi dawn a, purunsen hi khawvelah hian kan ei tam em em mai a, Chuvangin a chin dan leh enkawl dan ka rawn sawi dawn a ni.

I.    Sik leh sa : -    Purunsen hi khawvawt thlai a ni a. Keini chuan thlasik thlai kan ti ang chu. Khawlum thlen tak tak hma-a seng chi a ni.

II.    Leilung hman dan :-    Leilung chi hrang hrangah a chin theih a, luikama tuilian-in lei a hnawl khawmte, lei thaw deuh emaw kang lang deuh hi chin nan a tha.

III.    A chin hun :-    Purunsen hi kumtluanin a chin theih. A chin hun erawh chu hmun hrang hrangah a in anglo. Tlangram atan a chi kui huna an recommend chu February thla tawp lam atanga march thla tawp a ni.

IV.    Phun sawn :-    A tiak phun sawn hun chu March atanga june thla vel a ni. Engpawh nise ruahtui tla-te, dai tla leh tui lak tur awmna ten a zir chuan sawi tawh ang khan chin hun loh vak a awm lo.

V.    A chi kui leh phun sawn :-    Purun chi kuina tur uluk taka siama, tah chuan kui phawt tur a ni. Hectare khat hmuna phun tur atan purun chi kg 2.25-3.6 kui ila a tawk. A kuina tur chu lei rih dur feet chanve vela sanga rih pawn tur a ni a, a zau zawng feet khat vel nise a tawk. A tlar a kui nise, a tlar inkar chu inches thum vel nise, inches khat vela thukah a chi thlak tur a ni.

VI.    Leitha pek dan :-    A theih ang a tam ran zun leh ek leitha leh hnim hnah tawih leithate changpat ek leithate pek a tha. Hetiang lo pawh hian fertilizer pe ila, pek tur zat hi DAP kg 109, MOP kg 100, leh Urea Kg 87 pek a tawk.

VII.    Tui pek :-    Tui pek hi a chinna leilung, chin hun leh ruahtui tlak dan a zira ruahman chi a ni. A bulbawk insiam leh than chhoh laia khawro leh tui pek loh avangin a thar hlawk loh phah thei hle a ni.

VIII.    Hlo thlawh :-    Purun hmun hi fai taka vawn tur a ni. A zung hi a pawnlang hle a , a bul vel rih pawhin fimkhur a ngai. Rih thuk a ngai lo. Tum 2 tum 3 thlawh chhuah a tha. Hlo thlawh pah emawa a zung paih emaw cheh chhumin a bul insiam a nghawng thin. Hlo tur hman a tha.

IX.    Thlai ven him :-    Purun chi te hi chin hmain Captan emaw Thiram a bual phawt tur a ni. Gram 2 purun chi kg 1 tan a tawk. Purun hrik thah nan Deltamethrin ml1 leh tui litre 1 pawlhin theh tur. Tur leh tui pawlhsa-ah hian a bei ngheh nan sticker pawh telh a tha.

Source : Lalthanzuala
MSc.(Ag) ,Agro, PG Dip.Agmark
Thlai chin dan
Department of Agriculture (Crop Husbandry)
Mizoram
Page No : 120 - 123
First Edition-2011

Top